Civilna odbrana u Gazi saopštila je da je 26 ljudi poginulo, među kojima su žene i djeca, a najmanje 59 ih je nestalo u izraelskom vazdušnom napadu na stambenu zgradu u Beit Lahiji, na sjeveru te palestinske teritorije.

Poslije tog napada izvedenog usred noći 26 tijela je izvučeno iz ruševina uništene petospratnice, a najmanje 59 je ostalo zatrpano, rekao je Mahmud Bazal, portparol Civilne odbrane za AFP.Na snimcima koje je napravio fotograf te agencije vidi se potpuno srušena zgrada i gomila ruševina koje ljudi uklanjaju golim rukama. Vide se i tijela umotana u čaršave kako se odnose na kolima koje vuče magarac.

Izraelske snage su pokrenule veliku kopnenu ofanzivu na sjeveru Gaze 6. oktobra, kako bi navodno spriječile da se borci Hamasa tamo regrupišu. Operacija je počela u Džabaliji i proširila se na Beit Lahiju.Islamistički Hamas je osudio „masakr koji je dio genocidnog rata protiv nenaoružanih civila“.

Izvor: Rtcg

Foto:Nova