Nakon dvije godine završeno je snimanje filma “Posle zime”, reditelja Ivana Bakrača.

Glavne uloge u tumače: Momčilo Otašević, Ana Vučković, Ivona Kustudić, Petar Burić i Maja Šuša. Tu su i Bojan Žirović, Dubravka Kovjanić, Vladimir Gvojić, Milica Gojković, Stela Ćetković, Milica Majkić, Peđa Bjelac…

Bakrač je filmom želio da “analitički obradi različitosti i sličnosti između tri vrste prijateljstva: žensko-ženskog, muško-muškog, i muško-ženskog prijateljstva”.

“Priče mojih pet likova ispričane su kroz tri godišnja doba koja emocionalno i estetski podržavaju likove i njihove odnose, i spajaju se u epilogu koji donosi zima. Svi imaju oko 28 godina, prijatelji su od djetinstva ali žive u različitim gradovima i državama. Svako od njih se se trudi da nastavi živjeti svojim načinom života i sačuvati prijateljstvo iako ih razdvajaju kilometri”, rekao je on.

Povodom završetka snimanja oglasio se i Petar Burić objaviši fotografiju kada su počeli prije dvije godine i danas kada su završili sa snimanjem.

“Zahvalan sam na karmi koji mi je ovaj film donio”, napisao je glumac na Instagramu.

Izvor: Cdm