Legendarni košarkaš Majkl Džordan privukao je mnogo pažnje kada je posjetio crnogorsko primorje prije par dana.

Jedan od najboljih sportista svih vremena posjetio je prvo Split, Hvar, Šibenik, Dubrovnik, a onda je stigao u Crnu Goru, gdje je sa jahtom “O’Para” uplovio u Tivat, a nakon toga je posjetio i Porto Montenegro.

Društvo mu je pravila supruga Ivet Prijeto s kojom je Džordan u braku od 2013. godine i u koji je uplovio nakon što je 2006. godine okončao najskuplji razvod u istoriji.

Naime, Džordan je tada morao da isplati bivšoj suprugi Huaniti nevjerovatnih 168 miliona dolara na račun brakorazvodne parnice.

Dvije godine kasnije u jednoj diskoteci je upoznao kubansku manekenku Ivet Prijeto, a njihova svadba bila je pred 500 zvanica u jednoj crkvi u Palm Biču.

Na zabavi kod kuće im se pridružilo još 2.000 gostiju, među njima su bili i Skoti Pipen i Toni Kukoč, a svi radnici oko vjenčanja obavezali su se i potpisali ugovor da detalje vjenčanja ne smiju iznositi u javnost.

Ivet je morala da potpiše predbračni ugovor kako mu se ne bi ponovila situacija kao sa prvom suprugom. Ipak, mediji su tada prenijeli da postoji jedna klauzula koja kaže da će Ivet, u slučaju razvoda, za svaku godinu u braku dobiti milion dolara. Ukoliko brak pređe 10 godina, onda će Ivet za svaku godinu dobiti pet miliona.

Izvor i foto:CdM

Tekst objavila: Jasminka Mulić