Ovo je poslastica kojoj rijetko ko može da odoli. Slatko od dunja je jedno od omiljenih svima nama. Nije to komplikovano za napraviti, a recept je nimalo težak.

Sastojci za slatko od dunja:

1 kg dunja

500 g šećera

1 šolja vode

2 kašike meda

sok od jednog limuna

Priprema slatkog od dunja:

Prije same pripreme, tegle u kojima ćete sipati slatko, dobro operite i sterilišite.

U šerpu sipajte vodu i šećer i kuvajte dok tečnost ne postane gusta. Kuvajte oko 10 minuta na srednjoj temperaturi, pa onda dodajte limunov sok i možete narendati koricu limuna. Limun možete i da isječete na kriške. Potom smanjite temperaturu ringle.

Dunje operite i isjecite na željene komade. Po želji možete i da ih izrendate. Budite brzi u rendanju jer će oksidirati i vrlo brzo postati braonkaste. Dok ih rendate ili sječete, možete dodati par kapi limunovog soka. Ubacite ih u šerpu, zajedno sa medom, i pojačajte temperaturu i miješajte da se dunje ne zalijepe za dno šerpe.

Slatko će biti gotovo ako povučete varjačom po šerpi i ostane za njom trag. Kada slatko bude gotovo, sipajte u tegle, dobro zatvorite i pokrijte frotirom, peškirom ili ćebetom.

Držite na hladnom i mračnom mestu.

Prijatno!

Izvor: Kolektiv

Foto: Ilustracija

Tekst objavila: Jasminka Mulić