Brojne studije su pokazale da žene svakodnevno nose previše stvari u svojim torbama, zbog čega su one preteške.

Nošenje preteške torbe može izazvati vrlo neprijatne posljedice, koje nisu nimalo banalne. Istraživanje je sprovedeno na ženama između 21 i 55 godina, čije su torbe težile od tri do devet kilograma. Ove težine mogu izazvati bol u donjem dijelu leđa. Sve što nosimo, nosimo na jednoj strani i naprežemo donji dio leđa koji nije naviknut na taj tip tereta.

Pored bolova u leđima i vratu, kad nosimo teške torbe, možemo imati i učestale glavobolje. Razlog leži u tome što torbu nosimo na jednoj strani i automatski naprežemo donji dio tijela, koji postaje preopterećen. Nepravilno nošenje torbe može uzrokovati bolove, ali i razvoj skolioze. U ozbiljnim slučajevima može doći do kočenja gornjeg dijela leđa. Osim toga, opterećuju se i mišići nadlaktice i ramena.

Nošenje preteške torbe utiče na prebacivanje ravnoteže tijela na jednu stranu, što ometa normalan hod. Dok hodamo, ruke nam se prirodno ljuljaju, a s većom težinom na jednoj strani tijela, utičemo na ravnotežu, odnosno narušavamo prirodan stav tijela.

Zato, svake nedjelje pregledajte šta sve imate u torbi i izbacite nepotrebne stvari. Zahvalnost vaše kičme osjetićete već sljedećeg jutra kad pođete na posao.

 Izvor:Kolektiv.me