U Tokiju je uhapšen blagajnik koji je navodno koristio svoje fotografsko pamćenje kako bi krao podatke sa kreditnih kartica kupaca.

Za sada neidentifikovanii muškarac radio je skraćeno radno vrijeme u šoping centru u četvrti Koto, a uhapšen je prošlog četvrtka jer je otkriveno da je tuđim karticama preko interneta kupio torbe u vrijednosti od 2.600 dolara.

Prema izvoru upoznatim sa policijskom istragom, muškarac je navodno zapamtio podatke sa kreditnih kartica čak 1300 kupaca. Nakon što bi obradio njihovu narudžbinu, zapamtio bi potrebne informacije i zapisao ih, a kasnije bi ih koristio kako bi kupovao na internetu.

Iz policije su potvrdili da se muškarac sada nalazi u pritvoru. Nije poznato da li je anagažovao advokata, prenosi Index.

Izvor: Kolektiv.me