U ruskim udarima na Dnjepar na istoku Ukrajine noćas su poginule tri osobe, a 28 je ranjeno, među kojima je i četvoro djece, objavila je ukrajinska hitna služba.Lokalni guverner Sergij Lisak rekao je da su među poginulim dijete i starija žena.

Pogođeno je više kuća i zvaničnih zgrada, naveli su isti izvori.Prema navodima gradonačelnika Borisa Filatova oštećeno je 15 zgrada.U prethodnom ruskom napadu 10. aprila na taj grad, kroz koji prolazi rijeka Dnjepar, u udaru balističke rakete jedna osoba je poginula, a osam je ranjeno.Ukrajinski gradovi su skoro svakodnevno na meti ruskih udara uprkos nedavnih pokušaja SAD-a da zaraćene strane pregovoraju radi okončanja rata koji traje više od tri godine.U ruskom raketnom napadu na Sumi, grad blizu granice, u nedjelju je poginulo 35 ljudi, a napad je izazvao žestoke reakcije zapadnih zemalja.

izvor: Rtcg

Foto:Vijesti