Poplave i klizišta u Mjanmaru, izazvani tajfunom Jagi i sezonskim monsunskim kišama, odnijele su najmanje 226 života, a 77 ljudi je nestalo, prenijeli su danas lokalni mediji.

Broj žrtava povećao se skoro sedam puta od petka, kada je iznosio 33 i strahuje se da će nastaviti da raste. Brojanje žrtava ide sporo dijelom i zbog teškoća u komunikaciji s pogođenim područjima usljed građanskog rata. Tajfun Jagi pogodio je i Vijetnam, sjever Tajlanda i Laos i ubio skoro 300 ljudi u Vijetnamu, 42 na Tajlandu i četvoro u Laosu, navodi Koordinacioni centar za humanitarnu pomoć Asocijacije država jugoistočne Azije (ASEAN).

Izvor: RTCG

Foto: Reuters