Članovi lokalne kriminalne bande u brazilskom Rio de Ženeiru zapalili su najmanje 36 autobusa javnog prevoza, četiri kamiona i putnički voz.

List "Guardian" javlja da se radi o napadima koji su svojevrsna osveta za policijsko ubistvo vođe te kriminalne bande Mateusa da Silve Rezendea. Napadi su izvedeni u devet distrikta u kojima živi oko milion stanovnika. Guverner države Rio de Žaneiro Klaudio Kastro rekao je da su to teroristički akti i najavio je intenziviranje borbe protiv organizovanog kriminala. Guverner Kastro je rekao da je privedeno 12 osumnjičenih osoba i da će biti optuženi za "organiziranje terorističkih akata". Lokalni mediji navode da se radi o najvećim kriminalnim napadima u toj regiji u kojoj je nastava obustavljena u najmanje 45 škola. Na snimcima objavljenom na društvenim mrežama vidi se kako se putnici u panici iskrcavaju iz autobusa dok članovi bande pripremaju paljenje tih vozila.

Izvor:RTCG