Najmanje troje djece poginulo je kada se srušila stambena zgrada u južnoj egipatskoj provinciji Beni Suef, javili su danas državni mediji.

Spasilački timovi izvukli su najmanje devetoro povrijeđenih iz ruševina dvospratne zgrade u okrugu Ihnasija, oko 111 kilometara od Kaira, prenosi AP.U izvještaju se navodi da su nastradala dva brata od osam i 12 godina i njihova 11-godišnja sestra, a među povrijeđenima je još troje djece.Uzrok urušavanja zgrade još nije poznat, a AP navodi da su takvi incidenti uobičajeni za Egipat, gdje je loša gradnja široko rasprostranjena u siromašnim gradskim naseljima i u ruralnim oblastima.Egipatska vlada nedavno je pokrenula akciju protiv nelegalne gradnje širom zemlje.

Izvor: mina