Robert Patison (33) proslavio se ulogom vampira Edvarda Kulena u filmskom serijalu ‘Sumrak saga’, a za dvije godine gledaćemo ga u rimejku “Betmena” Meta Rivsa.  Iako su ga nekad u stopu pratile zaluđene obožavateljke, Patinson je sad uvjeren da se takva masovna manija za njegovim likom i djelom više nikad neće ponoviti. 

“Na svu sreću ta histerija je nastala iznenada, ali je i brzo nestala. Iskreno, više nikad ne želim da vidim ljude koji me ispred moje kuće čekaju u zasjedi. Ne vjerujem ni da bi se takvo što moglo ponoviti jer sam sad star i dosadan”, rekao je glumac u intervju za Sunday TODAY with Willie Geist.

Prisjetio se i audicije za ‘Sumrak’ koju je opisao kao vrlo neugodno iskustvo. 

“Mislio sam da neću proći. Morao sam da odglumim jednu scenu u kojoj je Edvard s gitarom. Rekli su mi na audiciji: ‘O, ponio si gitaru sa sobom, želiš li da nam nešto odsviraš?’. Nisam se uopšte pripremio za tu situaciju pa sam rekao da sam je samo ponio sa sobom. Nisam htio da sviram. To im je tek bilo jako čudno. Nakon toga osjećao sam se užasno, čak sam i roditeljima rekao da je to bila prava noćna mora. I na kraju sam dobio ulogu u ‘Sumraku”, ispričao je Patinson.

Uskoro će postati Betmen i tako postati drugi najmlađi glumac koji će gaigrati, nakon Kristijana Bejla koji ga je u dobi od 31 godinu glumio 2005. u filmu ‘Betmen: Povratak’, a film bi trebalo da se pojavi u bioskopima u junu 2021. godine.

Izvor: 24sata.hr