Svima nam se dešava da nam s vremena na vrijeme dođu nenajavljeni gosti, ali i da baš poželimo da pojedemo nešto slatko kada takvih namirnica nema u kući.

U kojoj god situaciji poželite da uključite rernu na ovoj vrućini, neka to bude za ovaj brzo gotov desert koji ne oduzima mnogo vremena i ne zahtjeva lude sastojke.

 Naprotiv, vjerovatno već imate sve što vam je potrebno za to kod kuće.

Trebaće vam:

4 cijela jaja
150 g crne čokolade, najmanje 70% kakaoa
150 g krem sira

Priprema:

Zagrijte rernu na 170 ºC. Odvojite žumanca od bjelanaca. Izrendajte čokoladu i istopite na pari. Kada se istopi, u nju umiješajte sir. Skloniti sa vatre i dodati i umiješati žumanca. Umutite bjelanca u čvrst snijeg, pa u njih postepeno umiješajte sir i čokoladu. Okrugli kalup obložen papirom za pečenje premazati uljem pa zatim sipajte smjesu u kalup i nekoliko puta lagano protresite kalup kako bi svi mehurići vazduha izašli iz smjese.

U veći i dublji pleh sipajte vrelu vodu i u nju stavite kalup sa smjesom. Pecite oko 15 minuta, pa smanjite temperaturu na 160 ºC. Zatim isključite rernu a tortu ostavite na toplom mjestu još 15 minuta. Kolač možete poslužiti topao ili dobro ohlađen, piše jutarnji.hr.

Dodatni savjet: Ovaj kolač možete poslužiti uz sladoled i preliv od bobica, smokve kuvane u vinu, sirup od pomorandže, karamel, pržene lešnike, čokoladni ganaš ili, na primjer, pečene breskve ili nektarine. Naravno, da bude baš po vašem ukusu, u smjesu za tortu možete dodati šećer i prstohvat soli.

Izvor i foto:Kolektiv.me

Tekst objavila:Jasminka Mulić