Tart mnogima djeluje komplikovano, a zapravo ćete ga spremiti bez muke.

Potrebno je za koru:

žumance

200 g margarina

400 g brašna

100 g šećera u prahu

3 kašike vode

Za fil:

1 kg jabuka

250 g šećera

2 kašičice cimeta

kašika putera

Za posipanje:

90 g šećera

150 g brašna

80 g putera

100 g isjeckanih badema

Napravite koru tako što ćete najprije umutiti margarin i šećer u prahu. Dodajte brašno, žumance i vodu. Umijesite testo i njime obložite kalup za tart koji ste podmazali uljem i posuli brašnom (testom obložite i ivice kalupa). Izbockajte viljuškom i pecite u zagrijanoj rerni na 180 stepeni, 10 minuta. U međuvremenu napravite fil.

Operite jabuke, oljuštite ih, isjecite na tanke kriške i prodinstajte na zagrejanom puteru. Kad jabuke omekšaju, polovinu ispasirajte, pomiješajte sa preostalim jabukama, dodajte cimet i šećer, pa fil rasporedite preko tijesta u kalupu. Pripremite zatim smjesu za posipanje. Pomiješajte puter i brašno. Dodajte šećer i bademe, pa pospite preko fila. Pecite još 30 minuta u rerni na 180 stepeni. Tart možete poslužiti sa sladoledom.

Izvor i foto:Kolektiv.me

Tekst objavila:Jasminka Mulić