Meksička kuhinja jedna je od najomiljenijih na svijetu

Prepoznatljiva po mnoštvu boja i karakterističnoj pikantnosti, meksička kuhinja jedna je od najomiljenijih na svijetu. Krasi je mnoštvo raznolikih namirnica.

Sastojci:

- 1 crveni luk

- 2 paradajza

- 4 čena bijelog luka

- 1 ljuta zelena paprika

- 1 crvena paprika

- 4 kašike ulja

- 1 tikvica

- 200 g mljevenog mesa

- kriška hljeba

Priprema:

Paradajz i luk isijecite na četvrtine, a paprike po dužini. Očistite paprike od sejmenki. Položite u tepsiju sa malo ulja i pecite u jako zagrijanoj rerni na višoj polici. Pecite nekih 20 minuta dok paprika ne počne da se ljušti. Nakon pečenja, oljuštite paradajz i paprike. Stavite ispečeno povrće u blender i blago izmiksajte sa malo vode da se dobije krupnija kaša. Zagrijte ulje u šerpi i sipajte smjesu i odmah dodajte oko 2 litra vode i kuvajte sat vremena na srednjoj vatri.

Mljeveno meso stavite u posebnu posudu, posolite, pobiberite i stavite jednu krišku bijelog hljeba natopljenog vodom. Dobro umijesite meso. Napravite 12 loptica od mesa i lagano ih spustite u kipuću supu. Sve skupa kuvajte nekih 60 minuta. Dodajte začine po želji.

Izvor: Vijesti.me