“Ljeto u mom gradu” je muzički sve bogatije i sadržajnije a večeras je na gradskom trgu održan koncert muzičke grupe Akademia bend.

Ovo je četvrti nastup ovog benda u Bijelom Polju, a publika je uživala u ex Yu rock klasici sa suptilnim notama strane muzike.

,,Sjajno nam je bilo i prošli put ovdje. Bilo je predivno, a publika je bila divna i uvijek nam je lijepo ovdje kad dođemo.

Bili smo prije dvije godine na Ušće festu, drugačija je bila atmosfera jer je publika bila bliže bini ali je svakako bilo lijepo i uvijek ćemo se rado odazvati pozivu da budemo vaši gosti, istakla je Marija Brajović članica muzičke grupe Akademia bend.

Tekst: Iva Bulatović

Foto: Vladimir Jelić