Kremasta i lagana poslastica koja se brzo sprema.

Potrebno je:

– 250 g mljevenog integralnog keksa

– 100 g margarina

– 400 g čokolade za kuvanje

– 200 g krem sira

– 100 g bijele ili crne čokolade za prelivanje

– 400 ml slatke pavlake

Priprema

U šerpi rastopiti margarin, pa njime preliti mljeveni keks i promiješati. Smjesu mijesiti rukom dok se ne sjedini, pa je rasporediti u okrugli kalup obložen plastičnom folijom.

Čokoladu izlomiti i staviti da se rastopi. Dodati slatku pavlaku i miješati. Kada se čokolada rastopi skloniti sa vatre, dodati krem sir i miješati dok se smjesa ne sjedini.

Prebaciti u vanglu i mutiti mikserom dok ne postane pjenasto, pa izliti preko kore od keksa i ostaviti da se ohladi i stegne.

Bijelu ili crnu čokoladu izlomiti i rastopiti sa malo ulja, pa preliti preko torte. Vratiti u frižider da se dobro ohladi. Po želji ukrasite sa malo kokosa ili rendane bijele čokolade.

Izvor: CdM