Otvorena izložba "Moderna Balkanska mitologija" Danila Vukovića

Izložba crteža Danila Vukovića pod naslovom „ Moderna Balkanska Mitologija“ otvorena je večeras u galeriji Centra za kulturu.

Postavkom , koju čini oko trideset radova , autor je prikazao stare kućne bogove koji su se transformisali u muke savremenog čovjeka. I dok su , kako je kazao Vuković, naši stari imali načina da se bore sa avetima, mi danas ne znamo kako ćemo sa našim „ modernim „ vampirima. Tušem i perom i bogatsvom linija, Vuković je ukazao  na socijalne i društvene pojave, a kako je istakao srž svega je nedostatak solidarnosti i empatije među ljudima .

„ Samo izložba je neko vraćanje na početak, i u onom likovnom smislu jer je crtež početak svega, ali i u drugom smislu vraćanje tim kućnim bogovima i toj otjelotvorenoj mitologiji. Naravno da nije to endemska stvar samo Srbije,  nego su to mitološka bića koja postoje svuda na Balkanu i to je nešto što mori malog čovjeka i ja sam na neki duhoviti način pokušao  da ilustrujem sadašnjicu i da budem hroničar svog vremena. „ kazao je Vuković.

Izložbu je otvorio akademski slikar Luka Joksimović.

Autor: Vanja Šabanović

Foto: Vladimir Jelić

This email address is being protected from spambots. You need JavaScript enabled to view it.  

BEZ SAGLASNOSTI REDAKCIJE ZABRANJENO JE PREUZIMANJE SADRŽAJA SA WEB PORTALA RADIJA BIJELO POLJE