Italijanski pilot Dario Kosta u subotu se upisao u Ginisovu knjigu rekorda.

Leteći kroz dva tunela na autoputu Northern Marmara u Istanbulu Dario je oborio svjetski rekord u najdužem letu avionom kroz tunel. Njegov let kroz tunele T1 i T2 trajao je ukupno 43,44 sekunde.

Odvažni pilot spustio se na samo metar iznad zemlje i imao je samo četiri metra s obje strane svog posebno izrađenog aviona. Cijela dužina leta bila je 1.610 metara. Prošao je kroz dva tunela prosječnom brzinom od 245 km/h.

Najzahtjevniji dio leta bio je otvoreni prostor između dva tunela, gdje obično duva jak vjetar, ali Kosta je savladao taj izazov.

Uspješan let proslavio je izvodeći akrobacije u vazduhu.

 Izvor i foto: Cdm

Tekst objavila: Ljilja Brajković