Inspirisan urođenom potrebom za zaštitom i sigurnošću, kompleks Cocoon činiće niz neobičnih građevina u obliku gnijezda, koje će biti izgrađene u mjestu Tulum u Meksiku.

Polukružne zgrade, obgrljene visokom fasadom, kreiraju prostor u kojem se ljudi osjećaju sigurno i slobodno da se prepuste uživanju ili povezivanju sa drugim stanarima.

Kompleks više od 46.000 kvadratnih metara obuhvataće tri stambene zgrade i dvije zgrade hotela, sa 204 apartmana i 167 soba, kao i 16 privatnih vila. Koncept je rođen s idejom da pruži gostima luksuzno i komforno utočište, idealno mjesto za bijeg od svakodnevnog života.

Luksuzni objekti su dizajnirani i pozicionirani tako da pruže neometan pogled na prirodu, kao i izolovano i mirno okruženje bez obzira na međusobnu blizinu objekata.

Svako “gnijezdo” funkcioniše kao samostalna jedinica, u čijem se središtu nalazi zona za zajedničke aktivnosti sa velikim bazenom kao centralnim elementom.

Izvor i foto:CdM

Tekst objavila:Jasminka Mulić