Siq je arapska riječ za okno, pa ne čudi što upravo ovo ime nosi prolaz do drevnog grada Petra koji je uklesan u stijenu u Jordanu, a koji je Evropljanima postao poznat tek početkom 19. vijeka.

                                                                          Foto: Cdm

Ovaj prolaz dug je oko 1,2 kilometara, a njegova širina na nekim mjestima doseže tek dva metra. Zidovi se pak uzdižu na visinu od 91 do 182 metra.

Petra je bila glavni grad Nabatejaca, a u razdoblju od 5. vijeka prije Hrista do 3. vijekaa poslije Hrista bilo vrlo važno trgovačko središte. Siq su koristili za ulazak u grad s karavanama, tačnije za dolazak pred slavnu riznicu Al Khazneh. Riznica je zapravo grob nabatejskog kralja Aretasa III. koji je kasnije pretvoren u hram.

Siq je prirodno geološko čudo nastalo tektonskim razdvajanjem i oblikovano vodom. Ispod njega pronađene su podzemne prostorije čija namjena još uvijek nije otkrivena. Pretpostavlja su da su bili stambene jedinice za stražare koji su čuvali ulazak u Petru.

Izvor: Cdm