U okviru manifestacije „Ljeto u mom gradu“ a u pauzi između dvije utakmice turnira „Vaso-Šaban-Momo“, juče je na gradskom stadionu održana nagradna igra za djecu mlađu od 12 godina.
Prema propozicijama, trebalo je sa udaljenosti od devet metara pogoditi loptom stativu. Ova igra nije dugo potrajala, jer prvi od mališana koji je imao odvažnosti da šutne loptu, Arda Mekić, bio je i pobjednik nagradne igre. Njemo je kao nagrada pripala sportska oprema. Organizatori su kazali da će do kraja ovog turnira, svake večeri između druge i treće utakmice biti održano po jedno nagradno takmičenje za najmlađe.
Tekst i foto: Željko Simović
