Košarkaši Jedinstva savladali su večeras ekipu Lovćena, rezultatom 88:85, u utakmici trećeg kola I A MCKL lige.

Trener košarkaša Jedinstva, Rade Petrić, čestitao je igračima veliku pobjedu.

,,Pokazali smo karakter svih 40 minuta. Pratili smo dogovor koji smo imali par dana pred utakmicu sa Lovćenom. Poenterski Vuković i Knežević su odigrali sjajno, ali podjednake zasluge imaju i ostali igrači koji su donijeli mnogo dobrih stvari na obje polovine terena“, dodao je Petrić.

Istakao je da smatra da su zaslužili ovu pobjedu.

,,Zaslužili smo pobjedu prije svega odnosom na treningu, pa onda i današnjom igrom. I pored pobjede, bilo je grešaka, tako da nastavljamo da radimo i da rastemo iz utakmice u utakmicu“, naglasio je Petrić.

Autorka: Eldina Bećirović

Foto: Arhiva RBP