Kit Ričards je nagovijestio da će predstojeća turneja Stonsa možda biti i oproštajna za legendarni britanski sastav.

Bend je nedavno objavio datume koncerata u 2019. u okviru turneje “No Filter” kojom obilježavaju 57 godina od osnivanja, prenosi NME.

Upitan o turneji, Ričards je rekao “možda će ovo biti i posljednja, ne znam”.

Legendarni gitarista je dodao da se na sceni pred 50.000 ljudi osjeća kao kod kuće.

“Kao što Roni i ja umijemo često da kažemo pred svirku – idemo na binu da napokon imamo malo mira i tišine”, objasnio je.

Ričards je takođe rekao da je zajedno sa Mikom Džegerom napisao nekoliko pjesama u studiju koje će možda biti predstavljene u decembru.

“Uradili smo nekoliko pjesama zajedno sa producentom Donom Vasom. Sve je to bilo spontano, lijepo smo se proveli i neke lijepe stvari su proizašle iz toga”, zaključio je gitarista Stonsa.

Izvor: Cdm