Pop pjevačice Goca Tržan i Ivana Peters, posljendjih godina postale su veoma bliske. Nakon raspada glupe Tap 011 u kojoj su pjevale devedesetih godina, njih dvije nisu bile u dobrim odnosima. Gradile su karijere ne ugrožavajući jedna drugu pa je Ivana prešla u rok vode i pjevala u bendu Negativ, dok se Goca proslavila kao solo izvođač u pop muzici.

Nakon što su se Tap 011 ponovo okupio zbog kocnerta u Beogradskoj areni, bivše saradnice su nastavile druženje. Prije toga, raščistile su sve što je bilo loše u njihovom odnosu.

“Nas dvije smo se rastale u miru, a svaka sa nekim neriješenim statusom u vezi sa onom drugom. Osim nekih površnih tema kad se sretnemo, nismo imale mnogo tema za razgovor. Prvi takav razgovor između nas dogodio se tek 2011. godine, kad je ponovo trebalo da nastupamo kao bend Tap 011. Obje smo u međuvremenu postale majke, sazrele kao ličnosti, a neposredno prije tog nastupa u Areni imale i neke lomove u životu”, bila je iskrena Goca i nastavlja:

“Ivana me je veoma nervirala pošto je pjevala mnogo bolje i drugačije od mene. Dok sam slušala Ivanu mislila sam da glumata, a zapravo sam se divila njenom glasu, znajući da nikad neću pjevati kao ona. Bila sam ljubomorna i zbog toga što sam bila ubijeđena da se svi frajeri lože na nju”, rekla je Goca za Gloriju.

S druge strane Ivana napominje:

“Uvijek smo bile prisutne u životu one druge, ali čini mi se da je naše prijateljstvo počelo tek prije nekoliko godina. Bila sam uz Gocu dok je prolazila kroz razvod, jer se njen razlaz sa bivšim suprugom odvijao onda kad smo organizovali koncert”, izjavila je ona.

Danas dvije pjevačice rado organizuju zajednička druženja sa ekipom iz grupe Tap 011, a tad im se često pridruže i kćerke, Ivanina Sara (12) i Gocina Lena (11). Nerijetko i sarađju, pa Ivanin glas možemo čuti u mnogim Gocinim pjesmama od 2011. do danas.

Pjevačice su sa Tapom snimile brojne hitove koji se i danas puštaju na radio i TV stanicama poput “Buda”, “Možda ti se vrati kao Lesi”, “Jeti Šumadinac”, “Pozovi 95″

Izvor: Cdm…