Demi Lovato, pop zvijezda koja je prošle godine zamalo umrla od predoziranja, riješila je da otvori dušu. Ona od juna, kada je nađena u nesvijesti u svom domu u Los Anđelesu, nije komunicirala sa medijima, pa je putem Instagrama sa publikom podijelila par misli o incidentu koji ju je mogao koštati života.

Demi je prije predoziranja bila na rehabilitaciji, ali bila je neko vrijeme “čista”.

“Danas bi bilo sedam godina kako sam trijezna. Ne žalim ni zbog čega, jer je trebalo da napravim te greške, ali nikada ne smijem da zaboravim da su odluke koje sam donosila bile upravo to: greške,” napisala je Demi an Instagramu.

Iako se tada nagađalo da je Demi uzimala heroin, koji spada među najteže droge, ona o tome nikada nije govorila.

                                                                                      Foto: Cdm

“Zahvalna sam grupama za podršku “Anonimni alkoholičari” i “Anonimni zavisnici” koji nikada ne zatvaraju vrata, bez obzira na to koliko puta počinješ ispočetka,” rekla je ona u narednom Instastoryju.

Pjevačica je dodala da ne smatra da je izgubila šest godina, jer će, smatra, to iskustvo uvijek biti dio nje.

“Te godine će biti samo dio mog velikog životnog puta,” napisala je Demi i nagovijestila da nikad nije kasno da se potraži pomoć.

“Ako ste danas živi, možete da uspijete. Vrijedni ste toga,” završila je.

Izvor: Cdm