Glumici Snažani Savić, dodijeljena je nagrada za životno djelo u oblasti muzike. Ona priznaje da joj se karijera na estradi dogodila slučajno.

“Slučajno sam se našla među pjevačima jer sam završila glumačku akademiju i moje opredjeljenje je trebalo da bude da igram u predstavama, filmovima i u serijama, a ne da pjevam. Međutim, život je to tako namjestio i na estradi sam provela skoro 40 godina. Na estradnoj sceni sam se obrela u “Koštani” Bore Stankovića, i ta uloga mi je trasirala put na muzičku scenu”, iskreno je rekla Snežana kojoj je nagradu za životno djelo uručio  Savez estradno-muzičkih umjetnika Srbije u saradnji sa Samostalnim sindikatom estradnih umjetnika.

Ova glumica i pjevačica, poznata i po ljepoti, nije pravila kompromise kada je riječ o muzici.

“Uvijek sam bježala od estrade i voljela da se o meni govori kao o umjetnici. Imala sam i komercijlne pjesme u karijeri kao “Oči šarene” , “Mitke i Koštana” koju sam izdala za Grand i još njih, ali sam birala da pjevam isključivo pjesme s umjetničkim kvalitetom koje imaju dobar tekst. Na kraju mi nije žao što se svrstavam u pjevačice jer sam pjevala dušom i svaku pjesmu iznijela sa emocijama koje je publika voljela i prepoznala kao lijepe”, rekla je Snežana i dodala.

“Nije da nisam voljela da pjevam. Još na akademiji moja klasa je bila vrlo muzikalna i često smo pjevali i svirali. Kako su mi se nudile uloge na filmovima u kojima je trebalo i da pjevam, ja sam ih prihvatala, a neke su i pisane za mene, poput one u „Boljem životu“, prihvatila sam ih u iščekivanju velikih glumačkih uloga”, ispričala je Snežana.

Izvor: Cdm