Premijer Kosova Aljbin Kurti najavio je danas uvođenje obaveznog vojnog roka i ulaganja u odbranu, jer, kako je ocijenio, postoje oni koji žele nanijeti štetu Kosovu.

Kurti je u prvom obraćanju pripadnicima Bezbjednosne snage Kosova (BSK) od kada je preuzeo funkciju premijera, povodom 12. godišnjice proglašenja nezavisnosti Kosova naveo da je ulaganje u odbranu "realnost u kojoj živimo".

"Naša je dužnost da ojačamo državu iznutra prema unutra. Moramo se suočiti sa vremenom kakvo jeste, to kažem znajući da je mir u regionu krhak.

Niko ni poslije 20 godina nije priznao zločin i genocid", naveo je Kurti.

Ocijenio je da predstavnici Kosova moraju biti jedinstveni u vođenju spoljne politike.

"Unutrašnje razlike moraju ostati unutar Kosova. Moramo ojačati zemlju i iznutra i izvana, tako da su potrebna ulaganja u vojsku.

Kako jačamo vojsku, tako ćemo ojačati i ekonomiju. Bogatstvo ne bi trebalo da obogati političare, nego narod", rekao je premijer i dodao da nezavisnost i sloboda nemaju značenja bez pravde.

Kurti je dodao da je integracija Kosova u EU "dug i naporan put"."To je put koji nas ojačava.

Pomozimo jedni drugima i za pomirenje i za ujedinjenje", rekao je kosovski premijer.

Izvor:rtcg