Savjet Evrope (SE) zvanično je upisao Bivšu Jugoslovensku Republiku Makedoniju pod novim državnim imenom - Republika Sjeverna Makedonija, prenosi agencija MIA.

Na internet stranici te najstarije panevropske organizacije, čije je sjedište u Strazburu, Sjeverna Makedonija je zavedena pod novim zvaničnim imenom i kao takva stavljena na listu zemalja članica prema abecednom redu.

Promjena imena izvršena je i na internet stranici Parlamentarne skupštine SE, dok je delegacija makedonskog Sobranja predstavljena kao delegacija Republike Sjeverne Makedonije.

Bivša Jugoslovenska Republika Makedonija  je ušla u SE 9. novembra 1995. godine, kao 38. država članica.

Izvor:MINA