Nakon što ste pronašle idealan mejkap koji odgovara vašem licu, vrlo je bitno da znate i za greške koje vas mogu udaljiti od vaše vizije savršene šminke.

Pogrešna nijansa olovke za usne

Prije svega je važno da znate da li vam više odgovaraju toplije ili hladne boje. Nakon što to ustanovite, olovku za usne bi trebalo da birate u skladu s bojom vaših usana. Ona bi trebalo da bude svega nijansu tamnija od vaše prirodne boje usana, posebno ako ih iscrtavate izvan prirodne linije.

Ako je riječ o ružu u boji, odaberite olovku za nijansu tamniju od odabranog ruža kako biste stvorile suptilan ombre efekat koji će dati volumen vašim usnama.

Loš odabir korektora

Ukoliko vam treba korektor za prekrivanje podočnjaka, nikako ne posežite za onim koji obećava mat završetak. Vrlo delikatna koža oko vaših očiju zahtijeva neprestanu hidrataciju pa zato čak i ako imate masnu kožu, odaberite hidratantan korektor s breskvastim ili žutim podtonom.

Ukoliko vam treba proizvod za posvjetljivanje lica, u skladu s tipom vaše kože odaberite korektor koji je samo jednu nijansu svjetliji od vaše kože.

Neredovno čišćenje četkica za šminkanje

Upravo ova greška može biti uzrok bubuljica i upalnih procesa na vašoj koži. Bakterije koje se nakupljaju u ostacima proizvoda na četkicama vrlo su nepovoljne za vašu kožu, stoga bi trebalo da ih perete barem jednom nedjeljno.

Izvor: Vijesti.me