Kako se karakter ispoljava kod ljudi? Ljudi se na različite načine nose s osjećajima, a isto tako ih i izražavaju. S plakanjem se uglavnom povezuje duboki osjećaj tuge a i ne mora da uvijek bude tuga u pitanju.

Prema psiholozima plač je dobar i zdrav, a osobe koje mnogo plaču su posebne.

Sljedeći put kad budete na rubu suza, sjetite se ovih nekoliko stvari o plakanju.

Plakanjem smanjujete stres

Ako ste osoba koja lako puša emocije van, onda ćete se lakše nositi s teškim životnim situacijama. Nakon što “otplačete svoje”, osjetićete olakšanje i bićete u stanju jasnije sagledati situaciju koja vam je natjerala suze na oči.

Pokazujete da se ne bojite vlastitih osjećaja

Plakanje je takođe znak da se ne bojite onoga što osjećate. Plakanje je znak da prihvatate svoju ranjivost i osjećajnost. To je znak da ste snažna osoba i da stvari nazivate pravim imenima.

Pokazujete koliko ste hrabri

Osobe koje pokazuju svoje emocije su hrabre i autentične. Važnije im je da žive svoju istinu, nego da brinu što će drugi pričati o njima. Osim toga znaju da bi i drugi rado češće pokazali svoje prave osjećaje (makar i kroz suze), ali se ne usude jer moraju održavati sliku o sebi koju su stvorili.

Plakanje pomaže uspostaviti ravnotežu

Kad prihvatite svoje osjećaje, a plakanje je dio procesa prihvatanja, lakše ćete otpustiti osjećaje koji vas tište.

Izvor:CdM