Prozori, vrata, terase, sve što se može otvoriti u jletnjim danima spas je od vrućine. Ali svaki otvor je i olakšan pristup raznim insektima, pa i mravima. Uz nekoliko sastojaka iz kuhinje riješite se malih napasti.

Pomiješajte sodu bikarbonu i šećer u prahu u jednakom srazmjeru i pospite ih po mjestu na kome se mravi skupljaju. Kroz nekoliko dana neće ih više biti. I mješavina sirćeta i vode, u srazmjeru 2:1 riješiće problem. U pola litra vode možete dodati 50 mililitara deterdženta za sudove, pa smjesu naprskati po kritičnim mjestima.

Kredom pređite pukotine po zidu ili njome iscrtajte mjesto gde se mravi skupljaju. Kako ne podnose limunksu kisjelinu, sokom od limuna poprskajte mjesta gde ih najviše ima.

Cimet ili ljuta papričica u prahu riješiće vas ovih insekata, a na mjestima sa kojih biste teže očistili prah od cimeta možete koristiti štapić.

Ne ostavljajte hranu, posebno slatko ili ostatke voća na nezaštićenim mjestima jer će se na njima mravi sigurno skupiti.

Ovo su savjeti iskusnih domaćica sa društvenih mreža. Kažu da pomažu. Probajte.

Izvor:Kolektiv.me