LIFESTYLE

Obrnuta marinada je tajni trik najvećih majstora roštiljanja

Mariniranje mesa je najučinkovitije ako se obavi veče prije, ili par sati prije pečenja mesa. Ipak, stvari uvijek mogu poći po zlu, pa meso ispasti bezukusno ili gumeno. Kako im se to ne bi dogodilo, najveći majstori roštiljanja znaju jednu caku prilikom mariniranja mesa.

Kako im se ne bi događale greške prilikom pripreme, profesionalni kuvari praktikuju obrnuto mariniranje – nakon pečenja meso ostavljaju neko vrijeme u marinadi, pa ga ponovo zagriju na grilu neposredno prije posluživanja.

Osim soli, u marinadu dodajte i kisjeline poput limuna ili sirćeta kako bi meso omekšalo. Valja imati na umu da meso može postati gumeno ostavi li se predugo u marinadi koja obiluje kisjelinom, piše Punkufer.

Koristite li slatke marinade, korisno je znati da će se od njih meso na temperaturi od 160 do 175 Celzijevih stepeni karamelizovati, a nakon toga će početi da gori, ostavljajući tako gorak ukus u ustima. Zato se slatke marinade najčešće koriste za namirnice koje ne traže dugu pripremu, poput škampa.

Obrnuta marinada daje fini ukus junetini i govedini, piletini, kao i rebarcima. Kuvari savjetuju da dominantne ukuse osnovne marinade iskoristite i u onoj za naknadno odležavanje mesa.

Ako želite da ispečete piletinu, biće ukusna ako je prethodno posolite i nauljite pa pečete na umjerenoj vatri roštilja oko 10-15 minuta, odnosno dok nije gotova. Jednako tako začinite i kolutiće tikvica pa ispecite.

Za to vrijeme pomiješajte maslinovo ulje, med, limunov sok, so i biber u velikoj posudi, dodajte piletinu i tikvice pa ostavite pola sata do sat. Povremeno promiješajte meso i povrće kako bi se marinada lijepo uhvatila sa svih strana. Pet minuta prije posluživanja vratite namirnice na žar, a višak marinade poslužite.

Izvor: CdM