Snažan zemljotres pogodio je jutros područje Tihog okeana uz obalu Gvatemale i El Salvadora, saopštila je američka Geološka služba.

Potres magnitude šest zabilježen je u četiri sata i 14 minuta na dubini od deset kilometara, prenosi Anadolija.

Epicentar je bio 81 kilometar jugozapadno od Acajutle u El Salvadoru i 107 kilometara južno-jugoistočno od Puerto San Josea u Gvatemali.

Acajutla je glavni trgovački port El Salvadora i koristi se i za kruzere, dok je Puerto San Jose najveći grad na pacifičkoj obali Gvatemale.

Nema neposrednih izvještaja o šteti ili žrtvama.

Izvor: rtcg