Pas istrčao 160 kilometara preko Sahare(video)

Pas nadimka Kaktus trčao je više od 160 kilometara i tako postao junak jedne od najtežih trka na svijetu.

Ovaj četvoronožni takmičar pridružio se, naime, Maraton des Sablesu tokom faze preko pustinje Sahara u Maroku.

Kaktus je završio treću etapu za samo četiri sata i 30 minuta i osvojio je 52. mjesto od oko 800 takmičara. Mnogi su bili u čudu kada su vidjeli psa na trci. Pas je, međutim, prkosio predviđanjima da će se mnogo ranije vratiti kući pa je završio i četvrtu i najdužu etapu i to za 11 sati i 15 minuta.

Do pete i završne faze, uporni trkač dobio je službeni broj “000” i uređaj za praćenje kako bi javnost mogla da prati njegov napredak u trci, a čak je imao i svoj Tviter nalog.

Kada je Kaktus konačno prošao kroz cilj dobio je nagradu, aplauz i službenu medalju od organizatora.

Izvor: Cdm