Polufinalni mečevi Otvorenog prvenstva Bijelog Polja danas na programu

Mečevi polufinala glavnog turnira Otvorenog prvenstva, kao i jedan susret četvrtfinala u utješnom turniru, biće odigrani danas na terenima TK“Elitte“.

U prvom polufinalu glavnog turnira sa početkom u 17:30, igraju Dalibor Fatić i Nikola Rakonjac, dok se u drugom polufinalu sastaju Momčilo Drobnjak i Boris Raičević.

Prije polufinalnih mečeva na prvom terenu od 16:30 igra se polufinale utješnog turnira,  u kojem će snage odmjeriti mladi Nikola Prebiračević i Aleksandar Rakonjac.

U isto vrijeme, ali na drugom terenu meč četvrtfinala odigraće Bojan Šutović i Andrija Tičević, a pobjednik tog duela odmah će igrati polufinale protiv Milana Matijevića.

Sjutra su na programu finalni mečevi.

Ovo je prvi od ukupno četiri turnira Otvorenog prvenstva Bijelog Polja, nakon kojih slijedi završni Masters gdje će nastupiti samo 16 najbolje rangiranih igrača.

 

Autor: Bojan Šutović

foto: arhiva RBP

Ova adresa el. pošte je zaštićena od spambotova. Omogućite JavaScript da biste je vidjeli.

BEZ SAGLASNOSTI REDAKCIJE ZABRANJENO JE PREUZIMANJE SADRZAJA SA WEB PORTALA RADIJA BIJELO POLJE