Rukometašice Budućnosti savladale su Budućnost II rezultatom 28:15, u susretu finala Kupa Crne Gore.

Trener rukometašica Budućnosti, Dragan Adžić za Radio Bijelo Polje kazao je da je ponosan na činjenicu da su u finalu Kupa igrale mlade djevojke iz rezervnog tima, koje su većinom 2000. i 2001. godište.

„Drago mi je što smo ponovo u Bijelom Polju, ovaj grad je uvijek bio sjajan domaćin svim utakmicama naše reprezentacije, neke velike pobjede smo ostvarili ovdje i uvijek se rado vraćamo. Odlična je stvar što se ove godine Kup igrao na ovaj jako značajan datum. Nakon ovoga djevojke se  okreću reprezentaciji i dvomeču baraža protiv Češke, a zatim se okrećemo novim izazovima i pojačanim ambicijama u narednoj sezoni“, zaključio je proslavljeni stručnjak, Dragan Adžić.

Budućnost je do  šampionskog pehara predvodilla Đurđina Jauković sa devet pogodaka, Dijana Ujkić je postigla šest.

Kod poraženog tima najbolja je bila Nikolina Knežević sa sedam golova, tri je dala Nikolina Vukčević.

Rukometašice Budućnosti osvojile su 24. trofej pobjednika Kupa, računajući i pehare osvojene u nekadašnjim državama.

RK „Budućnost“: Dijana Ujkić 6, Đurđina Jauković 9, Anđela Bulatović, Darly Zoqbi De Paula, Christina Laslo 1, Sanja Premović 1, Katarina Bulatović, Nina Bulatović 2, Enisa Đoković 1, Ivona Pavićević, Ema Ramusović 4, Itana Grbić 3, Matea Pletikosić 1 Trener: Dragan Adžić

RK „Budućnost II“: Anastasija Babović, Tina Hetemi, Milica Globarević, Marija Radović 2, Ivona Godeč, Mela Mehmedović, Marija Marsenić, Milica Raičević 2, Milica Trifunović, Darinka Todorović, Marija Božović 1, Ksenija Džaferović, Milica Anđušić, Nikolina Knežević 7, Nikolina Vukčević 3  Trener: Suzana Lazović

Sudije: Miljan Vešović, Novica Mitrović

Autor: Bojan Šutović

Foto i audio: Dalibor Rakočević

This email address is being protected from spambots. You need JavaScript enabled to view it.

BEZ SAGLASNOSTI REDAKCIJE ZABRANJENO JE PREUZIMANJE SADRŽAJA SA VEB PORTALA RADIJA BIJELO POLJE